- वि.सं २०७७ माघ ३ शनिबार
दसैँ नजिकिँदै गर्दा हुम्लामा अवैध चिनियाँ मदिरा गाउँबाट सदरमुकाम सिमकोट भित्रिन थालेको छ ।
जिल्लास्थित सुरक्षा निकाय मौन देखिएपछि रातारात दसैँको मुखैमा अवैध चिनियाँ मदिरा भित्रिने गरेको हो ।
बुधबार साँझ साढे सात बजेतिर सिमकोट लाग्ना हुँदै १५ खच्चरले ९० कार्टुन अवैध चिनियाँ मदिरा सदरमुकामतिर भित्र्याएको स्रोतले जनाएको छ ।
पछिल्लाे समय हुम्लाको उत्तरी हिल्सा नाका, सिमकोट गाउँपालिकाको च्वाखोला नाका र चंखेली गाउँपालिकाको टाँके नाका बन्द भए पनि कसरी र कहाँबाट अवैध चिनियाँ मदिरा आउँछ भन्नेमा स्थानीय अचम्मित भएका छन् ।
प्रहरी प्रशासनकै मिलेमतोमा अवैध मदिरा भित्रिएको स्थानीयको बुझाइ छ ।
हाल सिमकोट बजारमा चिनियाँ मदिरा प्रतिबोतल ६ सय रुपैयाँ रहेको छ ।
यसरी हेर्दा सिमकोटतिर ल्याउँदै गरेको ९० कार्टुन अवैध चिनियाँ मदिराको मूल्य ६ सयको दरले ६ लाख हुन आउँछ ।
