Read Time : < 1 मिनेट
२o८१ बैशाख २० बिहीबार ११:३९:oo
पूर्वी नवलपरासीमा गएराति एक लाख ५८ हजार रुपैयाँसहित चारजना जुवाडे पक्राउ परेका छन् ।
मध्यबिन्दु नगरपालिकाको कोल्हुवाबाट गएराति प्रहरीले एक लाख ५८ हजार रुपैयाँसहित चारजना जुवाडेलाई नियन्त्रणमा लिएको जिल्ला प्रहरी कार्यालय नवलपुरका प्रहरी नायव उपरीक्षक मोहनबहादुर खाणले जानकारी दिए ।
स्रोतका अनुसार मध्यबिन्दु नगरपालिका– ३ को इभान कटेजबाट प्रहरीले मध्यबिन्दु– ४ का ३८ वर्षीय भर्वजंग चौधरी, २८ वर्षीय विवेक थनेत, ३३ वर्षीय हेमन्त चौधरी र मध्यबिन्दु– ३ निवासी ३४ वर्षीय अरुण भण्डारी रहेका छन् ।
उनीहरूलाई जिल्ला प्रहरी कार्यालय नवलपुरमा राखिएको छ । पक्राउ परेकालाई जुवा तास ऐनअनुसार कारबाही चलाउने प्रहरीले तयारी गरेको छ ।