गण्डकी प्रदेशमा शुक्रबार थप ४१ जनामा कोरोना संक्रमण पुष्टि भएको छ । कास्कीका १७ जना, लमजुङका तीनजना, गोरखाका १२ जना, नवलपुरका नौजनामा कोरोना संक्रमण पुष्टि भएको गण्डकी प्रदेश स्वास्थ्य निर्देशनालय पोखराले जानकारी दिएको छ ।
योसँगै प्रदेशमा संक्रमितको संख्या तीन हजार ६ सय ४५ पुगेको छ । सक्रिय संक्रमितको संख्या एक हजार एक सय ४५ छ ।
हालसम्म गण्डकी प्रदेशमा दुई हजार चार सय ५९ जनाले कोरोनालाई जितेका छन् । कोरोना संक्रमणका कारण ३३ जनाको निधन भएको गण्डकी प्रदेश स्वास्थ्य निर्देशनालयका निर्देशक डा. विनोदबिन्दु शर्माले जानकारी दिए ।