- वि.सं २o८३ असोज १३ मंगलबार
पर्वतको जलजला गाउँपालिका– ७, लामाबगरमा सुक्खा पहिरोले घर पुरिँदा च्यापिएका एकजनाको सकुशल उद्धार गरिएको छ।
मंगलबार बिहान करिब ५:३० बजे माथिबाट ढुंगा–माटोसहितको सुक्खा पहिरो खस्दा घरभित्र रहेका स्थानीय ६५ वर्षीय आत्माराम आचार्य च्यापिएका थिए। उनलाई तत्काल उद्धार गरी सुरक्षित स्थानमा ल्याइएको हो।
उद्धार गरिएका आचार्यको दाहिने आँखामाथिको भाग र टाउकोमा चोट लागेको छ। उनको अवस्था मध्यम रहेको र बोल्न सक्ने अवस्थामा रहेका उनलाई थप उपचारका लागि प्रदेश अस्पताल बेनी, म्याग्दी पठाइएको छ।
