- वि.सं २o८३ श्रावण २८ बिहीबार
बिचौलिया दीपक भट्टसँग जोडिएको सम्पत्ति शुद्धीकरण मुद्दामा व्यवसायी रोहित गुप्ता जेल चलान भएका छन्। विशेष अदालतले उनलाई बिहीबार थुनामा पठाउने आदेश दिएको छ।
उनी हिमालयन रि-इन्स्योरेन्सका पूर्वसञ्चालक हुन्। सो कम्पनीको रकम दुरुपयोग गरी दुई अर्ब ७३ करोडको अवैध रूपमा सेयर खरिद गरिएको र यसमा गुप्ताको पनि संलग्नता रहेको भन्दै विशेष अदालतका न्यायाधीशहरू नारायणप्रसाद पौडेल र उमेश कोइरालाको इजलासले उनलाई थुनामा पठाउने आदेश दिएको हो।
यसै मुद्दामा बिहीबार विशेष अदालतमा उपस्थित भएकी शुभेच्छा खरेलसँग भने १० लाख रुपैयाँ धरौटी माग भएको छ ।
यससम्बन्धी मुद्दामा बिचौलिया भट्ट, शंकर ग्रुपका सुलभ अग्रवाललगायत थुनामा छन्। धेरै व्यक्ति अझै फरार छन्।
