नेपाली कांग्रेसको आधिकारिकता विवादमा बहस सकिएको छ। सर्वोच्च अदालतका न्यायाधीशद्वय सारंगा सुवेदी र नृपध्वज निरौलाको इजलासमा बिहीबारदेखि सुनुवाइ सुरु भएको थियो।
बिहीबार सुनुवाइ नसकिएपछि मुद्दालाई ‘हेर्दाहेर्दै’मा राखिएको थियो। आजै फैसला आउने सम्भावना रहेको सर्वोच्चका प्रवक्ता अर्जुनप्रसाद कोइरालाले जानकारी दिए।
भृकुटीमण्डपमा भएको विशेष महाधिवेशनलाई निर्वाचन आयोगले वैधानिकता प्रदान गरेपछि शेरबहादुर देउवा पक्ष सर्वोच्च गएको थियो। विशेष महाधिवेशनले १४औँ महाधिवेशनबाट सभापति निर्वाचित देउवा नेतृत्वको कार्यसमिति भंग गर्दै गगन थापाको नेतृत्वमा नयाँ कार्यसमिति चयन गरेको थियो।
See More On
