- वि.सं २o८२ असार २५ बुधबार
त्रिभुवन विश्वविद्यालयको उपकुलपतिमा प्रा.डा. दीपक अर्याल नियुक्त भएका छन्। त्रिभुवन विश्वविद्यालयका कुलपति तथा प्रधानमन्त्री केपी शर्मा ओलीले प्रा.डा. अर्याललाई उपकुलपतिमा नियुक्त गरेका हुन्।
अर्यालले त्रिभुवन विश्वविद्यालय, जल तथा मौसम विज्ञान केन्द्रीय विभागीय प्रमुख भएर काम गरिसकेका छन्। उनी मौसमविद् र नास्टका प्राज्ञ पनि हुन्।
सहकुलपति शिक्षामन्त्री रघुजी पन्तको संयोजकत्वमा बनेको त्रिवि उपकुलपति सिफारिस समितिले तीनजनाको नाम सिफारिस गरेको थियो। जसमा अर्यालसहित निमित्त उपकुलपति प्रा.डा खड्ग केसी र विज्ञान संकायका पूर्वडिन प्रा.डा. विनिल अर्याल थिए। तीनमध्येबाट ओलीले प्रा.डा. दीपक अर्याललाई नियुक्त गरेका हुन्।
