- वि.सं २o८२ जेठ २० मंगलबार
के तपाईंलाई चुरोट वा सुर्तीको तलतल लागिरहन्छ ? वा यसको जोखिम थाहा हुँदाहुँदै पनि छाड्न सकिरहनुभएको छैन ? यस्तो समस्या हो भने अब एक कल फोनले तपाईंको बानीमा परिवर्तन ल्याउनेछ ।
स्वास्थ्य मन्त्रालय, राष्ट्रिय स्वास्थ्य शिक्षा, सूचना तथा सञ्चार केन्द्रले टोल फ्री नम्बर सञ्चालनमा ल्याएको छ । ११३२ मा फोन गरेर चुरोट वा अन्य सुर्तीजन्य पदार्थ छाड्नेबारे परामर्श लिन सकिनेछ । परामर्शदाताले सुर्तीजन्य पदार्थको लत छाड्न आवश्यक बाटो देखाउनेछन् ।
त्यहाँ तपाईंको कुनै ठेगाना खुलाइनेछैन । यो टोल फ्री नम्बर शनिबारदेखि सञ्चालनमा ल्याइएको केन्द्रका प्रमुख केशव पण्डितले बताए । क्यान्सरको जोखिम मानिने सुर्तीजन्य पदार्थ सेवन कम गर्न सेवा सञ्चालनमा ल्याएको उनले बताए ।
