Skip This
काभ्रेपलाञ्चोकको मण्डनदेउपुर नगरपालिका–२, नगरकोट, ठकुरीगाउँमा आइतबार बिहान भएको दुर्घटनामा चालकको मृत्यु भएको छ। मिस्टिक माउन्टेन होटेलको कम्पाउन्डमा बा २ क ३४६४ नम्बरको टिपर बालुवा अनलोड गर्ने क्रममा दुर्घटना भएको जिल्ला प्रहरी कार्यालय, काभ्रेपलाञ्चोकका डिएसपी मीनबहादुर घलेले बताए।
दुर्घटनामा मण्डनदेउपुर– २ घर भएका चालक ३१ वर्षीय विनोद घोरासैनीको घटनास्थलमै मृत्यु भएको हो। होटेलको थप भवन निर्माणको क्रममा सामान ओसार्न लगिएको टिपर दुर्घटनामा परेको हो। दुर्घटनापछि क्षतिपीर्ति माग्दै मृतकका परिवारले शव उठाएका थिएनन्। दिउँसो अबेर सहमति भएपछि शव उठाएका छन्।
