- वि.सं २o८१ चैत २० बुधबार
नेपाल स्टक एक्सचेन्ज (नेप्से) परिसूचकमा दोहोरो अंकको वृद्धि देखिएको छ। आज बुधबार नेप्से परिसूचक २३.८६ अंकले बढेर दुई हजार ७००.०४ को विन्दुमा कायम भएको हो।
आज ३१८ कम्पनीको एक करोड चार लाख ४२ हजार ६८३ कित्ता सेयर ५३ हजार ८८४ पटक खरिद–बिक्री हुँदा रु. पाँच अर्ब ४४ करोड ४४ लाख ३५ हजार ९०१ बराबरको कारोबार भएको छ।
आजको कारोबारमा उत्पादन तथा प्रशोधन र निर्जीवन बिमा समूहको उपसूचक घटेको छ भने अरू सबै समूहको उपसूचक बढेको छ। सबैभन्दा बढी व्यापार समूह ९.४४ र वित्त समूह ३.१२ प्रतिशतले बढेको छ।
सेन्ट्रल फाइनान्स कम्पनी लिमिटेडको सेयर मूल्यमा आज सकारात्मक सर्किट लागेको छ भने बोटलर्स नेपाल (बालाजु) लिमिटेडको सेयर मूल्यमा नकारात्मक सर्किट लागेको छ। रासस
