मुख्य समाचारफ्रन्ट पेजसमाचारनयाँ यात्रा २०२५दृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८१ चैत २० बुधबार
  • Thursday, 03 April, 2025
तिवारी यादव वीरगन्ज
२o८१ चैत २० बुधबार १४:२६:oo
Read Time : < 1 मिनेट
साहित्य डिजिटल संस्करण

‘मधेश साहित्य महोत्सव’ आयोजना हुँदै

Read Time : < 1 मिनेट
नयाँ पत्रिका
२o८१ चैत २० बुधबार १४:२६:oo

वीरगन्जमा चैत २२ र २३ गते ‘मधेश साहित्य महोत्सव’ आयोजना हुने भएको छ। उत्कर्ष नेपालको आयोजनामा मधेशको सामाजिक, सांस्कृतिक र साहित्यिक उन्नयनलाई प्रवर्द्धन गर्ने उद्देश्यले ‘मधेश साहित्य महोत्सव’ आयोजना गर्न लागेको बताइएको छ।

वीरगन्जमा बुधबार आयोजित पत्रकार सम्मेलनमा महोत्सवको पहिलो दिन चैत २२ गते उद्घाटन सत्रपछि साहित्यसम्बन्धी विभिन्न सत्र, कविगोष्ठी र सांस्कृतिक साँझ आयोजना गरिने आयोजक समितिकी सदस्य सलमा खातुनले जानकारी दिइन्।

यस्तै, दोस्रो दिन चैत २३ गते सामूहिक किताब विमोचन, मधेशको लोककला, संस्कृति, भाषा, साहित्यसम्बन्धी विभिन्न सत्र र काव्य तथा सांगीतिक साँझ आयोजना हुनेछ। दुईदिने  साहित्य महोत्सवमा तराई–मधेशका २२ जिल्लाका साहित्य, भाषा, कला र संस्कृतिलाई समेटिने मधेश साहित्य महोत्सव आयोजन समितिका संयोजक गणेश लाठले बताए।

उनका अनुसार साहित्य महोत्सवमा छिमेकी मुलुक भारतका साहित्यकारहरू पनि सहभागी हुनेछन्। यस्तै तराई–मधेशका भोजपुरी, मैथली, अवधि, थारू, मारवाडी, उर्दू, हिन्दी भाषाका साथै नेपाली र नेवारी भाषाका साहित्यकार, कवि, कलाकार, चित्रकार, विश्लेषक, स्तम्भकार, लेखकलगायतका सर्जकले आ–आफना सिर्जना, कला, विचार र अनभुवहरू प्रस्तुत गर्नेछन्।

उत्कर्ष नेपालका अध्यक्ष ऋतुराजले पहिलोपटक आयोजना गर्न लागिएको ‘मधेश साहित्य महोत्सव’ले तराई–मधेशको भाषा, साहित्य, कला र संस्कृतिसहित मधेशको समग्र पहिचानलाई उजगार गर्ने अपेक्षा लिएको बताए।