
मंगलबार हालसम्मकै उच्च विन्दुमा पुगेको सुनको मूल्य आज भने घटेको छ । पछिल्ला दिनमा लगातार बढेर कीर्तिमान कायम गरिरहेको सुनको मूल्य आज तोलामा रु. ६ सय घटेको हो । त्यस्तै चाँदीको मूल्य पनि तोलामा १५ ले घटेको छ ।
मंगलबार प्रतितोला रु. एक लाख ७९ हजार सात सय कायम भएको सुनको मूल्य आज तोलामा रु. ६ सय घटेर रु. एक लाख ७९ हजार एक सयमा कारोबार भइरहेको नेपाल सुनचाँदी व्यवसायी महासंघले जनाएको छ ।
त्यस्तै, आज चाँदी प्रतितोला रु. दुई हजार २० मा कारोबार भएरहेको छ । अन्तर्राष्ट्रिय बजारमा आज सुन प्रतिऔँस तीन हजार एक सय १५ अमेरिकी डलर हाराहारीमा कारोबार भइरहेको छ ।