टेक्सास प्रदेश सभाले मार्च १३ लाई 'लुम्बिनी दिवस'को रूपमा मनाउने घोषणा

अमेरिकाको टेक्सास राज्यसभाले मार्च १३ लाई 'लुम्बिनी दिवस'को रूपमा मनाउने घोषणा  गरेको बताएको छ। विश्वशान्तिका अग्रदूत गौतम बुद्धको जन्मस्थल लुम्बिनीको महत्व र सन्देशलाई अन्तर्राष्ट्रियस्तरमा प्रवर्द्धन गर्ने दिशामा ऐतिहासिक पहल भएको छ।

अमेरिकाको टेक्सास राज्यसभाले मार्च १३ लाई 'लुम्बिनी दिवस'को रूपमा मनाउने घोषणा गरेको छ। टेक्सासको राजधानी अस्टिनमा टेक्सासको सभाले मार्च १३ लाई लुम्बिनी दिवसको रूपमा मनाउने घोषणा गरेको टेक्सासबाट कपिलवस्तु नगरपालिकाका नगरप्रमुख सुदीप पौडेलले  बताएका छन्।

नेपालबाट बुद्ध परिपथका विभिन्न नगरपालिकाहरूका प्रतिनिधिमण्डल हाल अमेरिकाको भ्रमणमा रहेका वेला सोही अवसरमा टेक्सासको राजधानी अस्टिनमा एक विशेष समन्वय बैठक सम्पन्न भएको  बताएको छ। बैठकमा नेपाली प्रतिनिधिमण्डलका साथै अमेरिकामा रहेका नेपाली संघसंस्थाका प्रतिनिधिहरूको सहभागिता रहेको बताएको छ।

बुद्ध जन्मस्थल लुम्बिनी सांस्कृतिक नगरपालिका, बुद्धले २९ वर्ष बिताएको प्राचीन कपिलवस्तु, बुद्धको मावलीस्थल देवदह, बुद्धको अस्तिधातु रहेको रामग्राम र तिलोत्तमा नगरपालिकाका प्रमुखहरूसहितको प्रतिनिधिमण्डलले 'लुम्बिनी दिवस' घोषणा गरिएको समारोहमा सहभागिता जनाएका छन्। 

बैठकमा लुम्बिनी सांस्कृतिक नगरपालिकाका लेखा अधिकृत रामचन्द्र अर्याल, कपिलवस्तु नगरपालिकाका नगरप्रमुख सुदीप पौडेल, देवदह नगरपालिकाका नगरप्रमुख ध्रुवप्रसाद खरेल, रामग्राम नगरपालिकाबाट नगरप्रमुख धनपत यादव, तिलोत्तमा नगरपालिकाका प्रमुख प्रशासकीय अधिकृत नारायण अर्याल, नेपाल सरकारका उपसचिव रामप्रसाद ज्ञवाली, बुद्ध परिपथ नगरपालिकाका समन्वयकर्ता तुलसीराम लामिछाने सहभागी रहेका' बताएको छ। 

हाल अमेरिकामा बुद्ध परिपथअन्तर्गतका पालिकाहरूको प्रतिनिधित्व गरी नेपालबाट भ्रमणमा रहेका प्रतिनिधिमण्डलको मार्च १३ मा समन्वय बैठकसमेत सम्पन्न भएको बताएको छ। समन्वय बैठकमा बुद्ध परिपथका नगरपालिकाहरू र अमेरिकास्थित नेपाली समुदायबिच पर्यटन प्रवर्द्धन, नेपाली धर्म-संस्कृतिको संरक्षण तथा विकासका लागि दीर्घकालीन सहकार्य गर्ने प्रतिबद्धता व्यक्त गरिएको  बताएको छ। अस्टिनमा स्थापित पशुपतिनाथ मन्दिर एवं प्रस्तावित बुद्ध स्तूपा र विहारमार्फत लुम्बिनीको प्रचार-प्रसारमा सहयोग गर्ने निर्णय भएको कपिलवस्तु नगरपालिकाका नगरप्रमुख सुदीप पौडेलले  बताएका छन्।

'अमेरिकी नागरिकहरूलाई नेपालको बुद्धभूमि र बुद्ध परिपथका नगरपालिकाहरूको भ्रमणका लागि विशेष निमन्त्रणा गरिएको छ। यसले निश्चित रूपमा नेपालको पर्यटन क्षेत्रमा महत्वपूर्ण योगदान पुर्‍याउनेछ,' पौडेलले बताएका छन्। लुम्बिनी सांस्कृतिक नगरपालिकाका सूचना अधिकारी रामचन्द्र अर्यालले मार्च १३ अब नेपाल र नेपालीका लागि गर्वको दिन हुने बताए। 'यो घोषणाले समग्र लुम्बिनी क्षेत्रसँग सम्बन्धित सम्पदाको संरक्षण, सम्बर्द्धन र प्रचार-प्रसारमा कोशेढुंगा साबित हुनेछ,' उनले भनाइ छ।

यति महत्त्वपूर्ण उपलब्धि हासिल गर्न गराउन लुम्बिनी बुद्ध परिपथका पालिकाहरूको निरन्तरको समन्वय, सहकार्य र पहलबाट सम्भव भएको लुम्बिनी सांस्कृतिक नगरपालिकाका समन्वयकर्ता तुलसीराम लामिछाने बताएका छन्। नेपाल सरकारका उपसचिव रामप्रसाद ज्ञवालीले समग्र लुम्बिनी र लुम्बिनी परिपथको पर्यटन सम्भावनालाई यस दिनले थप उजागर गर्ने बताए।

तिलोत्तमा नगरपालिकाका प्रमुख प्रशासकीय अधिकृत नारायण अर्यालले नेपालका अन्य पर्यटकीयस्थलको थप प्रवर्धन गर्न यस्ता कदमहरू महत्त्वपूर्ण हुने बताएका छन्।

समन्वय बैठकमा युएसए टेक्सास एवं ग्रेटर अस्टिन नेपाली समुदाय आध्यात्मिक केन्द्र अस्टिन संयुक्त राज्य अमेरिकाको तर्फबाट लुम्बिनीको प्रचारप्रसार र पर्यटन प्रवर्द्धनमा निरन्तर लागिरहेका सामाजिक अभियन्ता एवं प्राध्यापक डा. प्रभात दीक्षित, इन्द्रेणी सांस्कृतिक संघ इरभिङ टेक्सास, संयुक्त राज्य अमेरिकाका अध्यक्ष एवं पर्यटन विभाग प्रमुख गैरआवासीय नेपाली संघ राष्ट्रिय समन्वय परिषद् अमेरिका, (एनआरएनए एनसिसी अमेरिका) का उपाध्यक्ष नेत्रप्रसाद पाण्डे, (NEAJA USA)का अध्यक्ष सुरज भण्डारी, गैरआवासीय नेपाली संघ राष्ट्रिय समन्वय परिषद् अमेरिका, (एनआरएनए एनसिसी अमेरिका)अध्यक्ष सविन्द्र थापा, ग्रेटर नेपाल अस्ट्रिन सोसाइटीका अध्यक्ष विदुर खतिवडा, राससका युएसए प्रतिनिधि शंकर थापा र प्रतिनिधिहरूको उपस्थिति रहेको बताएको छ।

उक्त बैठकमा विभिन्न विषयमा प्रस्ताव एवं छलफल भएको छ। जसअनुसार, बुद्ध परिपथ लुम्बिनी प्रदेश नेपालका पालिकाहरू कपिलवस्तु, लुम्बिनी सांस्कृतिक, देवदह, रामग्राम र तिलोत्तमा र नेपालको पर्यटन प्रवर्द्धन, नेपाली धर्म संस्कृतिको संरक्षण तथा विकासका लागि अस्टिनमा स्थापित पशुपतिनाथ मन्दिर एवं प्रस्तावित बुद्ध स्तूपा र विहारमार्फत लुम्बिनीको प्रचार प्रसारमा सहयोग र सहकार्य गर्ने निर्णय भएको भ्रमण टोलीको भनाइ छ।