- वि.सं २o८१ पौष २३ मंगलबार
नेपाल स्टक एक्सचेन्ज नेप्से परिसूचकमा सामान्य अंकको सुधार देखिएको छ । आज नेप्से ६.१६ अंकले बढेर दुई हजार ६४६.८४ विन्दुमा कायम भएको हो ।
आज ३०५ कम्पनीको एक करोड २० लाख ८१ हजार ६०६ कित्ता सेयर ६६ हजार ६२६ पटक खरिद–बिक्री हुँदा रु. पाँच अर्ब ३८ करोड ४६ लाख ७२ हजार २९५ बराबरको कारोबार भएको छ ।
आजको कारोबारमा बैंकिङ समूह ०.२७, होटेल तथा पर्यटन ०.०४, उत्पादन तथा प्रशोधन ०.२५ र अन्य समूह ०.१८ प्रतिशतले घटेको छ ।
लगानी समूहको उपसूचक स्थिर देखिँदा अरू समूहका उपसूचक भने बढेका छन् । सबैभन्दा धेरै वित्त समूह २.६५ प्रतिशतले बढेको छ । विकास बैंक ०.८०, जलविद्युत् ०.४२, जीवन बिमा ०.६७, लघुवित्त ०.४४, म्युचुअल फन्ड ०.३५, निर्जीवन बिमा ०.४२ र व्यापार समूह ०.५९ प्रतिशतले बढेको छ ।
सप्तकोशी डेभलपमेन्ट बैंक लिमिटेड र ङादी हाइड्रोपावर लिमिटेडको सेयर मूल्यमा सकारात्मक सर्किट लागेको छ भने आत्मनिर्भर लघुवित्त वित्तीय संस्था लिमिटेड र डोल्टी पावर कम्पनी लिमिटेडको सेयर मूल्यमा नकारात्मक सर्किट लागेको छ ।
