- वि.सं २o८१ पौष २१ आइतबार
पूर्वउपराष्ट्रपति नन्दबहादुर पुन उपाध्यक्षको रूपमा माओवादी केन्द्रको केन्द्रीय कमिटी बैठकमा सहभागी भएका छन्।
पेरिसडाँडामा आज आइतबारदेखि सुरु बैठकमा अध्यक्ष प्रचण्डसँगै देब्रेतर्फ पुनलाई राखिएको छ। दाहिनेतर्फ क्रमशः उपाध्यक्षहरू नारायणकाजी श्रेष्ठ, अग्निप्रसाद सापकोटा र पम्फा भुसाल छन्।
दुई कार्यकाल उपराष्ट्रपति भएका पुन यसअघि पनि माओवादीका बैठकहरूमा सहभागी हुँदै आएका थिए। युद्धकालमा विद्रोही सेनाका कमान्डर रहेका उनलाई माओवादीले पुनः सक्रिय राजनीतिमा फर्काउन लागेको हो।
