- वि.सं २o८१ पौष ९ मंगलबार
नेपाल राष्ट्र बैंकका पूर्वडेपुटी गभर्नर चिन्तामणि सिवाकोटीको रचनामा ‘हृदयकी रानी’ गीत सार्वजनिक भएको छ । गीतको म्युजिक भिडिओ सिवाकोटीले आफ्नै युट्युब च्यानलमार्फत सार्वजनिक गरेका हुन् । आधुनिक भाकाको गीतमा वरिष्ठ कलाकार मदनकृष्ण श्रेष्ठ र गायिका समीक्षा अधिकारीको स्वर रहेको छ ।
हाल राष्ट्र बैंकको सञ्चालक समिति सदस्य रहेका सिवाकोटीले रचना गरेको गीतमा कीर्ति न्यौपानेको संगीत रहेको छ । गीतको एरेन्ज पुरुषोत्तम सुवेदीले गरेका हुन् । कृष्णदेव रुपाखेतीले निर्देशन गरेको म्युजिक भिडिओमा मदनकृष्ण श्रेष्ठ, गायिका कोमल ओली, स्मारिका ढकाल र विमल अधिकारीको अभिनय छ ।
