- वि.सं २o८१ मङ्सिर २४ सोमबार
सिटिजन्स बैंक इन्टरनेसनल लिमिटेडले दृष्टिविहीन बालबालिकालाई ब्रेल शैक्षिक सामग्री प्रदान गरेको छ । बैंकले संस्थागत सामाजिक उत्तरदायित्व कार्यक्रमअन्तर्गत मैत्री समाज नेपालसँगको सहकार्यमा वीरेन्द्रनगर सुर्खेतमा रहेको श्री कृष्ण संस्कृत तथा साधारण माविमा अध्ययनरत विद्यार्थीलाई ब्रेल शैक्षिक सामग्री प्रदान गरेको हो ।
सामाजिक, आर्थिक, सांस्कृतिक, शैक्षिकलगायत क्षेत्रमा सकारात्मक परिवर्तन ल्याउन विभिन्न कार्यक्रम सञ्चालन गर्दै आएको बैंकले एक कार्यक्रम गरी सामग्री हस्तान्तरण गरेको हो ।
दृष्टिविहीन तथा अन्य अपांगता भएका बालबालिकासँग पर्याप्त शैक्षिक सामग्री उपलब्ध नहुने र आवश्यक शैक्षिक सुविधाबाट वञ्चित हुने भएकाले ब्रेल पेपर र अन्य ब्रेल शैक्षिक सामग्रीले उनीहरूको अध्ययनमा सहजता हुने विश्वास बैंकले लिएको छ ।
हालै मात्र ‘बैंक अफ द इयर २०२४’ बाट सम्मानित भएको बैंकले देशैभरका एक सय ९७ शाखा, एक सय ६२ एटिएम, तीन विस्तारित काउन्टर र ७४ शाखारहित बैंकिङ इकाइबाट सेवा प्रदान गर्दै आएको छ ।
