मंसिर २२ गते शनिबारदेखि २८ गते शुक्रबारसम्मको साप्ताहिक राशिफल

ज्योतिष तथा वास्तुविद् सुरेशचन्द्र रिजालले तयार पारेको मंसिर २२ गते शनिबारदेखि २८ गते शुक्रबारसम्मको साप्ताहिक राशिफल पढ्नुहोस्:

मेष: धार्मिक कार्यमा रुचि बढ्नेछ । नयाँ व्यक्तिहरूसँगको सहकार्यमा रोकिएका काम अगाडि बढ्नेछन् । वैदेशिक भ्रमणको अवसर जुर्ने योग रहेकाले यात्रा सफल हुनेछ  । स्थानान्तरणको योग बनेकाले स्थान परिवर्तन गर्दा शुभ हुनेछ । नाफा हुने गरी लगानी गर्दा फाइदा पुग्नेछ । साताको अन्त्यमा धन खर्चको योग छ । सामाजिक कार्यमा लागे मनमा आनन्दको अनुभूति हुनेछ । 

बृष: मुद्दा–मामिलामा पनि विजयी भइनेछ । धार्मिक यात्राको योग छ । यात्राका क्रममा हुने अवरोध बिस्तारै हट्दै जानेछन् । नयाँ योजना समयमै पूरा हुनेछन् । विश्वासको वातावरण बन्नेछ भने सम्बन्धमा केही असजिलो परिस्थिति बन्ने देखिन्छ । वैदेशिक यात्रामा सोचेअनुसार सफलता मिल्नेछ । साताको अन्त्यमा  उठ्नुपर्ने रकम उठ्नेछ । भाग्यले साथ दिनेछ ।

मिथुन: मनोरञ्जनपूर्ण वातावरण बन्नाले मनमा शान्तिको अनुभूति हुनेछ । पढाइलेखाइमा सामान्य प्रगति हुनेछ । सेवामूलक कामबाट धनलाभ हुनेछ । पेटको खराबीले स्वास्थ्य कमजोर रहला । व्यावसायिक काम अवरुद्ध बन्न सक्छ ।  साताको अन्त्यमा नयाँ सवारी साधन खरिद–बिक्रीको योग छ । नयाँ सम्बन्ध अगाडि बढ्ने 
योग छ ।

कर्कट: न्यायिक निर्णयबाट सोचेअनुसार सफलता मिल्नेछ । मायाप्रेममा धोका तथा विश्वासमा कमी हुन सक्ने हुँदा विशेष ध्यान पु¥याउनुपर्नेछ । उद्योग तथा व्यवसायमा लगानी गर्नेका लागि सोचेअनुसार सफलता मिल्नेछ । लामो लाभदायक यात्राको योग रहेकाले यात्रामा सफलता मिल्नेछ । साथीहरूले सोचेअनुसार साथ र सहयोग दिनेछन् । 

सिंह: सहयोगीहरूले राम्रो साथ दिनेछन् । रोकिएका काम बन्ने र नयाँ काम सुरु गर्ने समय छ । उद्योग र व्यापारमा विशेष फाइदा हुनेछ । शत्रु र प्रतिस्पर्धीलाई सजिलै हराउन सकिनेछ । गरिएका कर्मको उचित प्रतिफल पाइनेछ । शुक्रबारपछि साथीभाइ र नातेदारबाट उपयोगी सल्लाह र सहयोग प्राप्त हुनेछ र राज्यपक्षबाट लाभ प्राप्त हुनेछ । नयाँ कार्यको थालनीसमेत हुनेछ । 

कन्या:  घरपरिवारबाट पूर्ण सहयोग प्राप्त हुनेछ । सानो प्रयासले रोजगारीको राम्रो अवसर हात पर्न सक्छ । सरकारी जागिरेका लागि प्रशंसा, बढुवा वा जिम्मेवारी मिल्ने देखिन्छ । कुनै अप्रत्याशित काममा सहयोग गर्नुपर्ने देखिन्छ । धार्मिक तथा आध्यात्मिक क्षेत्रतर्फको काममा सहभागी बन्नुपर्नेछ । रोकिएका काम बन्नेछन् । पठन–पाठनमा प्रगति हुनेछ । 

तुला: विशिष्ट व्यक्तित्वसँग भेटघाट हुने र स्वादिष्ट भोजनको आनन्द मिल्नेछ । प्रतिष्ठित काम गर्ने मौका छ । प्रेमको बन्धन कसिने योग छ । दाम्पत्य जीवन सुखद तथा समृद्ध बन्नेछ । यात्रा गर्दा अलि सावधानी अपनाउनुपर्ने समय रहेको छ । बिहीबार शरीरमा आलस्य र थकानको अनुभव हुनेछ । साताको अन्त्यमा नियमित व्यवसायबाट राम्रो फाइदा हुनेछ । धार्मिक कार्यमा रुचि बढ्नेछ । राज्यपक्षबाट लाभ प्राप्त हुनेछ । 

वृश्चिक: स्थानान्तरण र टाढाको यात्रा हुने सम्भावना छ । प्रतिष्ठित व्यक्तिसँग प्रतिस्पर्धा हुनेछ । मिहिनेत गर्दा पछिका लागि विशेष काममा जग बसाउने अवसर जुट्नेछ । विशिष्ट व्यक्तिको सहयोगमा प्रतिष्ठित जिम्मेवारी हात पार्न सफल भइनेछ । महत्वपूर्ण व्यक्ति भेट्ने अवसर जुट्नेछ । आफूभन्दा वरिष्ठ व्यक्तित्व अथवा पर्यवेक्षकका साथमा अति सुमधुर सम्बन्ध कायम रहनेछ ।

धनुः आम्दानीका नयाँ स्रोत फेला पर्नेछन् । गरेका कामबाट प्रशस्त लाभ हुनेछ । श्रमको उचित मूल्यांकन हुने देखिन्छ । नयाँ ज्ञान प्राप्त हुने योग छ । आर्थिक पक्ष सबल रहने योग छ । बुधबारदेखि आफन्तबाट टाढिनुपर्नेछ  व्यवसायमा लगानी बढाउनुपर्ने परिस्थिति आउन सक्छ । अवसरका लागि कडा परिश्रम गर्नुपर्ला । लगानी सुरक्षित हुने वातावरण बन्नेछ ।

मकरः धार्मिक कार्यमा सहभागी हुने अवसर मिल्नेछ । नयाँ कामको प्रस्ताव आउनेछ भने धन आर्जनका बाटाहरू खुल्नेछन् । चिताएको काममा सोचेजस्तै सफलता मिल्नेछ । प्रेम र मित्रताको बन्धन कसिलो हुनेछ । व्यवसायको लगानीले मनग्गे धनलाभ हुनेछ । प्रतिस्पर्धीहरूले समेत सहयोगका हात फैलाउनेछन् । नयाँ काम प्रारम्भ गर्ने समय छ ।

कुम्भः नयाँ कार्यको थालनी हुनेछ । नोकरी तथा  व्यवसायबाट सोचेअनुसार लाभ मिल्नेछ । नयाँ योजना प्रारम्भ गर्न सकिने योग रहेको छ । आयआर्जनका विविध बाटा फेला पर्नेछन् । आँटेका कामको लगानी पनि अरूका लागि खर्च हुने संकेत देखिएको छ । सरसापटमा धन बाहिरिने हुँदा विशेष सावधानी अपनाउनुपर्नेछ । नयाँ योजना सफल हुनेछन् ।

मीनः घरमा मांगलिक कार्य हुनेछ । इष्टमित्रहरूले साथ र सहयोग गर्नेछन् ।  टाढिएका साथीभाइ नजिकिनाले हर्ष बढ्नेछ । भाग्यले विभिन्न अवसर थमाउनेछ । अध्यात्मभाव जागृत हुनाले परोपकारमा मन जानेछ । धेरैले कामको तारिफ गर्नेछन् । दाम, इनाम र प्रतिष्ठा कमाउने वेला छ । साताको अन्त्यमा नयाँ जिम्मेवारी प्राप्तिको योग छ ।