- वि.सं २o८१ मङ्सिर १७ सोमबार
जिल्ला ट्राफिक प्रहरी कार्यालय, रोल्पाका प्रमुख प्रहरी नायब निरीक्षक(सई) ललितकुमार बुढाथोकी २५ हजार रुपैयाँ घुससहित पक्राउ परेका छन्।
अख्तियार दुरुपयोग अनुसन्धान आयोगको टोलीले उनलाई २५ हजार रुपैयाँ घुससहित सोमबार दिउँसो रंगेहात पक्राउ गरेको हो।
सवारीसाधनलाई आवत/जावत गर्न सहजीकरण गरिदिएबापत उनले घुस लिएको आयोगले जनाएको छ।
आयोगको बुटवल, सम्पर्क कार्यालयबाट खटिएको टोलीले उनलाई रोल्पा नगरपालिका वडा नम्बर ४ स्थित निजको निवासबाट पक्राउ गरेको हो।
