- वि.सं २o८१ मङ्सिर ६ बिहीबार
राष्ट्रपति रामचन्द्र पौडेलले भारतीय स्थल सेनाध्यक्ष उपेन्द्र द्विवेदीलाई मानार्थ महारथीको दर्ज्यानी चिह्न तथा खड्ग प्रदान गरेका छन्।
नेपाली सेनाका परमाधिपतिसमेत रहेका राष्ट्रपति पौडेलले बिहीबार राष्ट्रपति भवन शीतलनिवासमा आयोजित विशेष समारोहबिच उनलाई दर्ज्यानी चिह्न प्रदान गरेका हुन्। प्रधानसेनापति अशोकराज सिग्देलको निमन्त्रणामा सेनाध्यक्ष द्विवेदी बुधबार नेपाल आएका हुन्।
सो समारोहमा उपराष्ट्रपति रामसहायप्रसाद यादव, प्रधानमन्त्री केपी शर्मा ओली, रक्षामन्त्री मानवीर राईलगायत विशिष्ट महानुभावको उपस्थिति थियो। नेपाल–भारतबिचको सैनिक सम्बन्धको निरन्तरता स्वरूप सन् १९५० देखि दुवै देशले एक-अर्काका प्रधानसेनापतिलाई मानार्थ महारथीको दर्जा प्रदान गर्ने परम्परा रहिआएको छ।
2024-09-18-01-30-27.gif)
2024-09-18-01-30-29.gif)
