Skip This
पश्चिम नवलपरासीमा माइक्रो बसको ठक्करबाट मोटरसाइकल चालकको मृत्यु भएको छ। जिल्ला प्रहरी कार्यालय नवलपरासीका प्रहरी नायव उपरीक्षक रेशम बोहराका अनुसार सुनवल– ७ ज्यामिरे चोकमा पूर्वपश्चिम राजमार्गमा लु. १ख ८४५३ नम्बरको माइक्रोबसले लु. ७९प ९१४० नम्बरको मोटरसाइकललाई आज साँझ ठक्कर दिएको हो।
दुर्घटनामा परी मोटरसाइकलचालक रुपन्देहीको तिलोत्तमा नगरपालिका– १० निवासी ३२ वर्षीय ऋषि लम्तरीको ज्यान गएको हो। उनको शव पोष्टमार्टमका लागि लुम्बिनी प्रादेशिक अस्पताल पठाइएको छ।
दुर्घटनामा परी मोटरसाइकलको पछाडि सवार २९ वर्षीय विवेक गुरुङ गम्भीर घाइते भएका छन्। उनको भलुही मेडिक कलेज रुपन्देहीमा उपचारको लागि पठाइएको प्रहरीले जनाएको छ। ठक्कर दिने माइक्रोबस र चालक प्रहरी नियन्त्रणमा छन्।
2024-09-18-01-30-27.gif)
2024-09-18-01-30-29.gif)
