- वि.सं २o८१ असार २९ शनिबार
गैँडाकोट नगरपालिका– ७ स्थित नारायणी नदीको किनारमा दुई पुरुषको शव भेटिएको छ। शव सिमलतालस्थित नारायणगढ–मुग्लिन सडकमा दुर्घटनामा परेको बसको यात्रुको भएको अनुमान गरिएको छ।
शव भेटिएको स्थान चितवनको भरतपुर महानगरपालिका– २९, सिमलताल (घटनास्थल)बाट करिब २५ किलोमिटर पर रहेको छ।
एउटा शव करिब २५–३० वर्षका र अर्को १८–२० वर्षका पुरुषको रहेको इलाका प्रहरी कार्यालय गैँडाकोटले जनाएको छ। उक्त स्थानमा प्रहरी निरीक्षक हस्तबहादुर सुनारको कमान्डमा इलाका प्रहरी कार्यालय गैँडाकोटको टोली पुगेको छ।
यसअघि आज बिहान भरतपुर महानगरपालिकाको वडा नं २८ गोलाघाट क्षेत्रमा अर्को एक शव भेटिएको थियो। भारतीय नागरिक ऋषिपाल साहको उक्त शव मृतकका दाइले बुझेका छन्।
