नेपाली कांग्रेसका सांसद डा. प्रकाशशरण महतले देशलाई स्थायित्व दिन कांग्रेस र एमालेको समीकरण बन्न लागेको बताएका छन् ।
बिहान बसेको पदाधिकारी बैठकपछि पत्रकारलाई ब्रिफिङ गर्दै डा. महतले अब बन्ने समीकरणको सरकारमा एमाले र कांग्रेसले पालैपालो नेतृत्व गर्ने जनाए ।
उनले राजनीतिक स्थायित्व, संविधान संशोधन र आर्थिक वृद्धिमा देखिएको समस्यालाई समाधान गर्न कांग्रेस–एमालेको नेतृत्वमा सरकार गठन हुन लागेको उल्लेख गरे । उनले राष्ट्रिय हितमा बनेको यो समझदारीको समीकरणमा अरू दललाई पनि सहभागी हुन आह्वान गरे ।