- वि.सं २o८१ जेठ २५ शुक्रबार
आइजिआई पु्रडेन्सियल इन्स्योरेन्स लिमिटेडले विश्व वातावरण दिवसको अवसरमा वृक्षारोपण तथा साइकल र्याली सम्पन्न गरेको छ ।
कम्पनीले केन्द्रीय कार्यालय नक्सालबाट सुरु गरी नारायणचौर, भवगतीबहाल, चारखाल, पुतलीसडक, प्रदर्शनीमार्ग भद्रकाली, माइतीघर, त्रिपुरेश्वर, रत्नपार्कबाट दरबारमार्ग हुँदै पुनः नारायणचौरसम्म साइकल र्याली समापन भएको कम्पनीले जनाएको छ ।
कम्पनीका प्रमुख कार्यकारी अधिकृत युगेशभक्त बादे श्रेष्ठले ‘वातावरण जोगाऔँ, साइकलको प्रयोग गरौँ, स्वस्थ भएर जीवन जिऔँ’ भन्ने भावका साथ लायन्स क्लब अफ काठमाडौं पिस आइडियलका प्रतिनिधिलाई विभिन्न जातजातका बिरुवासमेत हस्तान्तरण गरे ।
