ज्योति क्यापिटलको ‘निःशुल्क डिम्याट र मेरो सेयर’ योजना

Read Time : < 1 मिनेट

नयाँ पत्रिका

२o८१ जेठ ६ आइतबार १o:५६:oo

ज्योति क्यापिटल लिमिटेडले कक्षा १२ को परीक्षा दिएका विद्यार्थीलाई लक्षित गर्दै ‘ज्योति क्यापिटल निःशुल्क डिम्याट र मेरो सेयर खाता’ योजना सार्वजनिक गरेको छ ।

क्यापिटलले विद्यार्थीलाई पनि सेयर बजारतर्फ आकर्षित गर्न सो योजना ल्याएको जनाएको छ । योजना अवधिभर कक्षा १२ को परीक्षा दिएका विद्यार्थीले निःशुल्क डिम्याट र मेरो सेयर खोल्न सक्नेछन् ।

यो योजना २६ वैशाखदेखि २६ जेठसम्म ज्योति क्यापिटल लिमिटेड तथा ज्योति विकास बैंकका सबै शाखा कार्यालयबाट प्राप्त गर्न सकिने बताइएको छ ।

क्यापिटलले नेपाल धितोपत्र बोर्डमा मर्चेन्ट बैंकरको कार्य गर्न अनुमति प्राप्त गरी लगानी व्यवस्थापन सेवा, संस्थागत परामर्श, धितोपत्रको प्रत्याभूति सेवासमेत प्रदान गरिरहेको छ ।

#ज्योति क्यापिटल