१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८१ जेठ १७ बिहीबार
  • Thursday, 30 May, 2024
फाइल तस्बिर ।
नयाँ पत्रिका काठमाडौं
२o८१ जेठ १७ बिहीबार २o:५५:oo
Read Time : < 1 मिनेट
ad
ad
ad
ad
समाचार डिजिटल संस्करण

एमालेको महाधिवेशन परिषद् बैठकमा २५ सय प्रतिनिधि सहभागी हुने 

Read Time : < 1 मिनेट
नयाँ पत्रिका, काठमाडौं
नयाँ पत्रिका
२o८१ जेठ १७ बिहीबार २o:५५:oo

एमालेको दशौँ महाधिवेशन प्रतिनिधि परिषद् बैठकमा दुई हजार पाँच सय प्रतिनिधि सहभागी हुने भएका छन् । 
केन्द्रीय सचिवालयको आइतबार बसेको बैठकले आगामी ८ र ९ वैशाखमा ललितपुरको गोदावरीस्थित अन्तर्राष्ट्रिय सभाहलमा आयोजना हुने बैठकमा सहभागी हुने प्रतिनिधिहरूको संख्या निर्क्याेल गरेको हो । 

बैठकमा दशौँ महाधिवेशनका प्रतिनिधि, केन्द्रीय सदस्य, केन्द्रीय निकाय र सल्लाहकार परिषद्का सदस्यहरूसहित करिब दुई हजार पाँच सय प्रतिनिधि सहभागी हुनेछन् ।

‘दशौँ राष्ट्रिय महाधिवेशनपछिको सबैभन्दा ठूलो मञ्चका रूपमा रहेको यो परिषद्को प्रथम बैठक र यसले लिने निर्णयहरूलाई महत्वका साथ लिइएकोे छ । यस बैठकले पार्टीलाई बलियो राष्ट्रिय शक्तिका रूपमा विकसित गर्नेछ,’ बैठकपछि प्रचार विभागका प्रमुख राजेन्द्र गौतमले जारी गरेको विज्ञप्तिमा भनिएको छ । 

बैठकमा अध्यक्ष र महासचिवको राजनीतिक र सांगठनिक प्रतिवेदनसहित ६ वटा प्रतिवेदनमाथि केन्द्रित रहेर छलफल हुने जनाइएको छ ।

ad
ad
ad
ad