इन्फिनिक्स मोबाइलले आफ्ना सबै स्मार्ट फोनमा अब १५ महिना लामो वारेन्टी दिने भएको छ । यो नयाँ वारेन्टी योजनाले इन्फिनिक्सका उत्पादनहरूको उत्कृष्टता र विश्वसनीयताको संकेत गर्ने र यसले ग्राहकलाई थप सन्तुष्टि प्रदान गर्ने बताइएको छ ।
इन्फिनिक्स बिक्रीमा मात्र केन्द्रित नभई उत्पादनको गुणस्तरमा पनि विशेष ध्यान दिँदै आएको कम्पनीले जनाएको छ । नवीनता र विश्वसनीयताको खोजी गर्दै आइरहेका ग्राहकलाई विश्वास दिलाउने १५ महिने वारेन्टी योजना ल्याएको कम्पनीको भनाइ छ । इन्फिनिक्सले ग्राहकलाई अद्यावधिक र प्राविधिक उत्पादन प्रदान गर्दै आइरहेको बताइएको छ ।