१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८१ जेठ ८ मंगलबार
  • Tuesday, 21 May, 2024
रमेश सुवेदी काठमाडाैं
२o८१ जेठ ८ मंगलबार o८:४९:oo
Read Time : > 2 मिनेट
ad
ad
खेलकुद प्रिन्ट संस्करण

राखेपलाई एन्फाको जवाफ : मन्त्रीकै निर्देशनमा पदाधिकारीलाई बहराइन पठाइएकोे हो

Read Time : > 2 मिनेट
रमेश सुवेदी, काठमाडाैं
नयाँ पत्रिका
२o८१ जेठ ८ मंगलबार o८:४९:oo

अनुमतिविना नै पदाधिकारीको जम्बो टोली अफिसियलका रूपमा बहराइन पठाएको भन्दै गत ३० फागुनमा खेलकुद मन्त्रालयले एन्फालाई कारबाही गर्न राखेपलाई निर्देशन दिएको थियो । एन्फा महासचिव किरण राईले मन्त्रीकै निर्देशनमा टोली पठाइएको स्पष्टीकरण दिएका छन् ।

अखिल नेपाल फुटबल संघ (एन्फा)ले खेलकुदमन्त्री विराजभक्त श्रेष्ठको निर्देशनमै नेपाली टोलीसँगै आठजना अफिसियल बहराइन पठाएको राष्ट्रिय खेलकुद परिषद (राखेप)लाई स्पष्टीकरण दिएको छ । गत ३० फागुनमा राखेपको अनुमतिविना नै नेपाली टोलीसँगै अनावश्यक रूपमा पदाधिकारीको जम्बो टोलीलाई पठाउन लागेपछि मन्त्री श्रेष्ठले एन्फालाई कारबाही गर्न राखेपलाई निर्देशन दिएका थिए । तर, मन्त्री श्रेष्ठकै निर्देशनमा आठ अफिसियललाई बहराइन पठाएको एन्फाका महासचिव किरण राइले राखेपलाई स्पष्टीकरण दिएका छन् । ती पदाधिकारीकोे सबै खर्च बहराइनले व्यहोरेको जानकारीसमेत उनले दिएका छन् । 

राष्ट्रिय खेलकुद विकास ऐन, २०७७ को दफा २८ (झ) मा परिषद्को स्वीकृति लिएर मात्र अन्तर्राष्ट्रिय खेलकुद प्रतियोगितामा सहभागी हुनुपर्ने कानुनी व्यवस्था छ । तर, एन्फाले १ चैतमा एन्फाले बहराइन जान थप ११ जनाको नाम सिफारिससहित स्वीकृति मागेको थियो । राखेपले एन्फाका आठ अफिसियललाई बहराइनमा ८ र १३ चैतमा बहराइनविरुद्धको विश्वकप छनोट खेलका लागि पठाउने स्वीकृति दिएको थियो । 

‘युवा तथा खेलकुद मन्त्रालय र परिषद्मा स्वीकृति तथा जानकारीका लागि पत्राचार गरिएकोमा खेलकुद मन्त्रीज्यूको सचिवालयमा भएको छलफलपश्चात संघले सिफारिस गरेका ९ पदाधिकारीमध्ये एकजना हटाई आठजना पदाधिकारीलाई जिम्मेवावरीसहित बहराइन पठाउन परिषद्मा समन्वय गरिएको थियो’, राईले हस्ताक्षरसहित खेलकुद मन्त्रालय, राखेप, राखेप संघ–संस्था समन्वय शाखा, राखेप खेलकुद विकास विभाग र सूचना अधिकारीलाई बोधार्थ बनाएर स्पष्टीकरण दिएका छन् । 

खेलकुद मन्त्रालयले ३० फागुनमा अनुमति नलिई फुटबल टोली मलेसिया पठाएपछि एन्फालाई कारबाही गर्न राखेपलाई निर्देशन दिएको थियो । एन्फाले भागबन्डा मिलाउन ११ जनालाई अफिसियल बनाएर बहराइन पठाउन राखेपसँग स्वीकृति मागेको थियो । तर, राखेपले ११ मध्ये एक डाक्टर र पत्रकारलाई मात्रै स्विकृत दियो । राखेपले बाँकी नौजनालाई स्विकृत दिइएन । मलेसिया पुगेको को–को र बहराइन जाने को–को भन्ने राखेले एन्फासँग प्रश्न गरेको थियो । एन्फाको पहिलो जवाफ चित्त बुझ्दो नभएपछि राखेपले दोस्रोपटक जवाफ मागेको थियो । बहराइन गएका आठ जनालाई राखेपले स्विकृत नदिएको राखेप संघ संस्था समन्वय शाखा प्रमुख चन्द्र राईले नयाँ पत्रिकालाई बताएका थिए । 

तर, एन्फाले मन्त्रालयको निर्देशनसँगै नौमध्ये आठ पदाधिकारीलाई बहराइन पठाएको दावी गरेपछि आवश्यक कारबाही गर्न मन्त्रालयले राखेपलाई पटक–पटक पत्राचार गरेको थियो । मन्त्रालयले कारबाहीको दबाब दिएपछि राखेपले एन्फासँग पुनः स्पष्टीकरण सोधेको हो । राखेपले एन्फाको जवाफ चित्तबुझ्दो नरहेको बताउँदै आएको थियो । एन्फाका महासचिव राईले ३० फागुनमा पत्र लेख्दै राखेपलाई जानकारी गराएका थिए । उनले राखेपबाट प्राप्त सचेत पत्रलाई एन्फाले गम्भीरतापूर्वक ग्रहण गरी महसुस गरेको बताएका छन् । राईले बहराइनसँग खेल्नुअघि नै टोली मलेसियाविरुद्ध अभ्यास खेलका लागि पुगेकाले स्वीकृति लिन असम्भव भएको प्रस्ट पारेका छन् । ‘बहराइनसँग हुने खेल तयारीस्वरूप मलेसियामा अभ्यासका लागि प्रस्थान गरिसकेको र मलेसियाबाट नै बहराइन प्रस्थान गर्ने कार्यक्रम रहेकोले राखेपबाट स्वीकृति लिन असम्भव रहेको कुरा प्रस्ट पार्न चाहन्छु,’ राईले भनेका छन् । 

टोलीको खर्च बहराइनले नै व्यहोर्ने
महासचिव राईले बहराइन पुगेको टोलीको सबै खर्च बहराइनले व्यहोर्ने प्रस्ट पारेका छन् । राईले राखेपलाई लेखेको पत्रमा बहराइन जाने टोलीको आर्थिक भार नेपाल सरकार र एन्फालाई नपर्ने पनि बताए । ‘आर्थिक व्ययभारको सन्दर्भमा नेपाल सरकार र एन्फालाई पदाधिकारीको आर्थिक भार नपर्ने र मित्र राष्ट्रहरूबाट नै व्यहोर्ने कुरा स्पष्ट गर्न चाहन्छु,’ उनले भनेका छटन् । तर, राईले बहराइन र मलेसिया दुवै देशको खर्च एन्फाले व्यहोर्नुपर्ने कि नपर्ने प्रस्ट पारेका छैनन् । उल्टै सम्पूर्ण तयारी भइसकेको अवस्थामा पदाधिकारीलाई त्यसतर्फ नपठाउँदा देशकै बदनामी हुने र अन्तर्राष्ट्रिय समुदायमा नराम्रो असर गर्ने उत्तर दिएका छन् । 

राईमाथि भ्रष्टाचारको उजुरी 
गोरखा जिल्ला सदस्य अमित खत्रीले एन्फा महासचिव राईमाथि भ्रष्टाचार र अनियमितता गरेको‌ आरोप लगाएका छन् । राईले एन्फाभित्र ठूलो भ्रष्टाचार र अनियमितता गरेको भन्दै खत्रीले सम्पत्ति शुद्धीकरण अनुसन्धान विभागमा छानबिनको माग गर्दै उजुरी दर्ता गराएका छन् । खत्रीले एन्फामा भ्रष्टाचार र बेथिति व्याप्त रहेकोले नेपालमा फुटबल खेलको भविष्य नदेखेर दिनहुँ खेलाडी बिदेसिन बाध्य भएको उल्लेख गर्दै उजरी दिएका हुन् । ‘एन्फाका महासचिव राईले होटेल सोल्टी, केटिएम सिटी, केल्मीलगायत विभिन्न मार्केटिङ एन्ड टिकेटिङ कम्पनीबाट लाखौँ रुपैयाँ कमिसन खाई अस्वाभाविक जीवन यापन गरेको र काठमाडौंमा घरघडेरी जोडेको भन्ने जानकारी प्राप्त हुन आएकाले निजले घरघडेरी जोडेको हो भने निजको सम्पत्तिको स्रोत के हो ? सोसमेत पहिचान गरी छानबिन गरी कारबाही गर्न अनुरोध गर्दछु,’ खत्रीले लेखेका छन् । 

ad
ad