गृहसचिवमा एकनारायण अर्यालको सरुवा भएको छ। सोमबार बसेको मन्त्रिपरिषद् बैठकले अर्याललाई गृह मन्त्रालयमा सरुवा गरेको हो।
प्रधानमन्त्री तथा मन्त्रिपरिषद् कार्यालयमा रहेका उनलाई गृहको नेतृत्व फेरिएलगत्तै त्यहाँ पठाइएको हो। यसअघि उनी संघीय मामिला तथा सामान्य प्रशासन र श्रमसचिव भइसकेका छन्। त्यसअघि सहसचिव हुँदा उनी काठमाडौंको प्रमुख जिल्ला अधिकारी पनि थिए।
हालका गृहसचिव दिनेश भट्टराईलाई प्रधानमन्त्री कार्यालय सरुवा गरिएको छ।