- वि.सं २o८o फाल्गुण २१ सोमबार
नेकपा एमालेको आकस्मिक सचिवालय बैठक सकिएको छ । बैठकपछि उपमहासचिव प्रदीप ज्ञवालीले सत्तागठबन्धनमा संकट बढेको देखिएको बताए । उनले भने, ‘परिपक्क भएको छैन, तर केही नयाँ घटनाक्रम विकसित हुन सक्ने अवस्था देखिएको छ ।’
प्रधानमन्त्रीले कांग्रेससँगको सहकार्य कठिन हुँदै गएको, विवादित मन्त्रीलाई हटाउन खोज्दा पनि हटाउन नसकिएको र नयाँ ढंगले अगाडि बढ्न खोजेको संकेत गरेको उनले उल्लेख गरे ।
प्रस्ट कुरा आज दिनभरिमा टुंगो लाग्ने उनको भनाइ छ । गठबन्धन टुटाउन प्रधानमन्त्री तयार हुनुभयो भने नयाँ गठबन्धनबारे छलफल गर्न एमाले तयार भएको उनले बताए ।
