टिभिएस मोटर कम्पनीका लागि नेपालको आधिकारिक वितरक जगदम्बा मोटर्सले एक लाख एन्टर्क स्कुटर बिक्री गर्न सफल भएको अवसर पारेर एनओजी राइड आयोजना गरेको छ । एनओजी राइड टिभिएसको नक्साल सोरुमबाट सुरु भई शिवपुरीको द ग्रिनभ्याली रिसोर्टमा पुगेर समापन भएको हो ।
करिब एक सय राइडर सहभागी रहेको कार्यक्रममा सबै सहभागी राइडरलाई सहभागिताको प्रमाणपत्र प्रदान गरिएको कम्पनीले जनाएको छ । उक्त राइडमा स्कुटरहरू राखेर एक लाखको आकृति पनि बनाइएको उल्लेख छ । उक्त राइडमा हेड मार्सल गौरव पाठकले सडक सुरक्षाबारे विभिन्न जानकारी तथा राइडरले अपनाउनुपर्ने नियम र सुरक्षा जानकारी प्रदान गरेको कम्पनीको भनाइ छ ।
राइडको समापन एक लाख सेलेब्रेसनको केक काटेर गरिएको कम्पनीले जनाएको छ । स्मार्ट टेक्नोलोजी, दमदार पफर्मेन्स र स्पोर्टी डिजाइनले गर्दा टिभिएस एनटर्क ग्राहकको पहिलो रोजाइमा पर्न सफल भएको कम्पनीको दाबी छ ।