Read Time : < 1 मिनेट
२०८० माघ २६ शुक्रबार १५:३८:००
ड्युटी सकाएर घर फर्कने क्रममा गाडीबाट खसेर प्रहरी सहायक हवल्दारको मृत्यु भएको छ।
प्रहरी प्रभाग बलम्बुमा कार्यरत हेमराज एलजीको बिहीबार बेलुका सतुंगलमा मृत्यु भएको हो। ओर्लने क्रममा प्रहरीकै गाडीबाट खसेका उनको एपिएफ अस्पतालमा उपचारको क्रममा मृत्यु भएको हो।
घटनाको छानबिनका लागि काठमाडौं उपत्यका प्रहरी कार्यालयका एसएसपी दिनेशराज मैनालीको नेतृत्वमा समिति गठन भएको छ। समितिमा एसपी मिलन केसी र डिएसपी अनिल अधिकारी सदस्य छन्।
