मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८१ बैशाख ९ आइतबार
  • Sunday, 21 April, 2024
नयाँ पत्रिका काठमाडौं
२०८० माघ १८ बिहीबार १५:००:००
Read Time : < 1 मिनेट
समाचार डिजिटल संस्करण

इजरायली राजदूतसँग अध्यक्ष तिमिल्सिनाले भने- मध्यपूर्वमा छिटो शान्ति स्थापना होस्  

Read Time : < 1 मिनेट
नयाँ पत्रिका, काठमाडौं
२०८० माघ १८ बिहीबार १५:००:००

राष्ट्रिय सभाका अध्यक्ष गणेशप्रसाद तिमिल्सिनासँग नेपालका लागि इजरायली राजदूत हनान गोडर गोल्डबर्गरले बिहीबार शिष्टाचार भेट गरेका छन्। राजदूत गोल्डबर्गरले सिंहदरबारस्थित अध्यक्ष तिमिल्सिनाको कार्यकक्षमा शिष्टाचार भेट गरेका हुन्।

भेटका अवसरमा अध्यक्ष तिमिल्सिनाले शान्ति र अहिंसाको मूलमन्त्र बोकेको नेपालले विश्वभर शान्ति चाहेको बताउँदै मध्यपूर्वमा पनि छिटो शान्ति कायम होस् भन्ने कामना गरे। 

हालै इजरायलमा भएको हमासको आक्रमणमा परी अहिलेसम्म बेपत्ता पारिएका नेपाली विद्यार्थी विपिन जोशीको सकुशल रिहाइका लागि अझै सार्थक पहल गर्न आग्रहसमेत गरे।

इजरायलले विभिन्न छात्रवृत्ति, रोजगारी, कृषि तथा सहकारी क्षेत्रमा सहयोग, नेपाली सेनालाई तालिमलगायतका नेपाललाई गरेको सहायताका लागि इजरायल सरकारको प्रशंसा गर्दै अध्यक्ष तिमिल्सिनाले नेपाल–इजरायल सम्बन्ध आपसी सहयोग र सहकार्यको माध्यमबाट निरन्तर अघि बढ्ने आशा पनि व्यक्त गरे।

इजरायलका राजदूत गोल्डबर्गरले नेपालको माथिल्लो सदनले प्रजातान्त्रिक पद्धति बलियो बनाउन प्रभावकारी भूमिका खेलेकोमा प्रशंसा गरे।