Read Time : < 1 मिनेट
२o८१ बैशाख २० बिहीबार ११:१९:oo
दार्चुला जिल्ला सदरमुकाम खलंगाबाट महेन्द्रनगरतर्फ जाँदै गरेको सुपप्र ०२ ००१ ख १०३१ नम्बरको बस महाकाली नगरपालिका– ५ स्थित डम्पिङसाइडनजिकै आज बिहान दुर्घटना हुँदा १५ जना यात्रु घाइते भएका छन् ।
जिल्ला प्रहरी कार्यालय दार्चुलाका सूचना अधिकारी ज्ञानेन्द्रबहादुर सिंहका अनुसार घाइतेमध्ये एकजना गम्भीर, दुईजना मध्यम र अन्यको अवस्था सामान्य छ । घाइतेको जिल्ला अस्पताल दार्चुलामा उपचार भइरहेको छ । बस सडकबाट करिब २० मिटर तल खसेको जनाइएको छ ।