बिहानैबाट लागेको बाक्लो हुस्सु र शीतलहरका कारण रौतहटको जनजीवन प्रभावित भएको छ । सवारीसाधनलाई उज्यालोमा पनि बत्ती बालेर सडकमा कुद्नुपर्ने अवस्था आएको छ ।

हुस्सु र शीतलहरका कारण बिहानैबाट सर्वसाधारण घरबाट बाहिर निस्कन सक्ने अवस्थामा छैनन् । चिसोका कारण रौतहटको ग्रामीण जनजीवन नराम्रोसँग प्रभावित भएको छ ।

दुई दिनबाट बढेको चिसोका कारण रौतहटसहित मधेशको जनजीवन प्रभावित भएको छ । रौतहटमा पर्ने पूर्व–पश्चिम राजमार्ग र चन्द्रनिगाहपुर–गौर सडकखण्डमा चल्ने सवारीसाधनलाई बत्ती बालेर बिस्तारै गुडाउन निर्देशन दिएको जिल्ला ट्राफिक प्रहरी कार्यालय रौतहटका प्रमुख सुशील आचार्यले बताए ।