![](https://nayapatrika.blr1.cdn.digitaloceanspaces.com/news/images/Minister_Prakash_jwala_gadi_aagjani2023-12-29-02-00-00.jpeg)
भौतिक पूर्वाधार तथा यातायातमन्त्री प्रकाश ज्वालाको गाडीमा आगजनी भएको छ।
आज रोजगार अनुमति प्रणाली (इपिएस) आवेदन फारम भर्न नपाएको भन्दै केही युवाले उक्त गाडीमा आगजनी गरेको केन्द्रीय प्रहरी प्रवक्ता तथा प्रहरी नायब महानिरीक्षक कुवेर कडायतले जानकारी दिए।
उनले भने, ‘आन्दोलित युवाको समूहले गाडीमा आगजनी गरेको हो। हामीले पाँचजना पक्राउ गरेका छौँ। मन्त्रीज्यूलाई प्रहरीले रेस्क्यु गरेर सिंहदरबार पुर्याएको छ।’ ग्वार्कोस्थित इपिएस कार्यालयमा युवाले बिहानदेखि आन्दोलन गरिरहेका थिए।