Read Time : < 1 मिनेट
२o८१ बैशाख १८ मंगलबार १३:o१:oo
कांग्रेस भ्रातृ संगठन नेपाल विधार्थी संघ संस्थापनइतर समूहले निकट केन्द्रीय समिति सदस्यको छुट्टै बैठक बोलाएको छ।
अनुपम फुडल्यान्डमा बुधबार ११ः३० बजे बैठक बाेलाइएको इतर समूहका नेता केन्द्रीय सदस्य भुवन भट्टले जानकारी दिए।
‘हामीले बैठकमा हाम्रो समूहबाट प्रतिनिधित्व गर्ने दुई सय २० जना केन्द्रीय सदस्यलाई बोलाएका छौंँ। तर, नेविसंघको विधिवत १२औँ महाधिवेशनको सुनिश्चितता, अवैधानिक निर्णयहरू खारेज, भ्रष्टाचार र अनियमितताविरुद्ध सडक आन्दोलनको घोषणालगायतका हाम्रा एजेन्डासँग सहमत सबैलाई हामीले बैठकमा उपस्थित भएर निर्णयमा सहभागी हुन आह्वान गरेका छौँ,’ भट्टले भने।