- वि.सं २o८o पौष ५ बिहीबार
संस्कृति, पर्यटन तथा नागरिक उड्डयनमन्त्री सुदन किराँतीको अभिव्यक्तिप्रति राष्ट्रिय प्रजातन्त्र पार्टी नेपालले आपत्ति जनाएको छ।
सो पार्टीका प्रवक्ता मोहनकुमार श्रेष्ठले बिहीबार विज्ञप्ति जारी गर्दै किराँतीको अभिव्यक्ति एक धर्मलाई प्रोत्साहित गर्ने र सनातनलगायत अन्य धर्म मान्नेप्रति घृणा फैलाउने खालको रहेको बताएका छन्।
‘नेपाल सरकारका संस्कृति, पर्यटन तथा नागरिक उड्डयनमन्त्री सुदन किराँतीले ‘क्रिस्चियनलाई नमान्ने देशद्रोही हुन्’ भनी एक धर्मलाई प्रोत्साहित गर्ने र सनातन धर्मलगायत अन्य धर्म मान्नेप्रति घृणाभाव फैलाउने गरी दिएको अभिव्यक्ति गैरसंवैधानिक, सामाजिक सदभाव बिथोल्ने, असहिष्णु र विभाजनकारी छ,’ विज्ञप्तिमा भनिएको छ।
मन्त्री किराँतीले संस्कृति र धार्मिक सहिष्णुतामाथि धावा बोलेको भन्दै राप्रपाले उनलाई तत्काल बर्खास्त गर्न प्रधानमन्त्रीसँग माग गरेको छ।
