- वि.सं २o८o मङ्सिर २२ शुक्रबार
एसिसी अन्डर– १९ एकदिवसीय एसिया कप क्रिकेटमा नेपालको अन्डर– १९ टोलीले अहिले पाकिस्तान यू– १९ सँग प्रतिस्पर्धा गरिरहेको छ ।
युएईको दुबईमा जारी प्रतियोगितामा नेपाली ब्याटर पाकिस्तानी बलरसँग संघर्ष गरिरहेका छन् । पाकिस्तानले टस जितेर पहिले फिल्डिङ रोजेपछि नेपाल ब्याटिङमा उत्रिएको हो ।
निर्धारित ५० ओभरमध्ये आधा खेल ब्याटिङ नगर्दै नेपालले पाँच ब्याटर गुमाइसकेको छ ।
ताजा अवस्थामा २६औँ ओभरको खेल चलिरहँदा नेपालले पाँच विकेट गुमाएर ८५ रन बनाएको छ । क्रिजमा मिडलअर्डरका ब्याटर उत्तम मगर र बलर दीपेश कँडेल डटिरहेका छन् । उत्तमले २२ तथा दीपेशले १७ रन बनाइसकेका छन् ।
यसअघि नेपालले अर्जुन कुमाललाई २१, तिलक सात, आकाश त्रिपाठी ६, कप्तान देव त्रिपाठी शून्य रनमा गुमाएको थियो । यस्तै, यही प्रतियोगिताका लागि भनेर टिममा समावेश गरिएका राष्ट्रिय सिनियर टिमका अलराउन्डर गुल्सन झा पनि एक रन बनाएर आउट भइसकेका छन् ।
नेपालले ४६ रन बनाउँदा पाँचौँ विकेट गुमाएको हो । त्यसयता उत्तम र दीपेशबीच ३६ रनको साझेदारी बनिसकेको छ ।
