- वि.सं २o८o असोज ३० मंगलबार
नेपाल उद्योग वाणिज्य महासंघका अध्यक्ष चन्द्रप्रसाद ढकालले अर्थतन्त्र सुधारका लागि उच्चस्तरीय संयन्त्र आवश्यक रहेको बताएका छन् । सरकार–निजी क्षेत्रको सहभागितामा उच्चस्तरीय आयोग वा संयन्त्र बनाएर आर्थिक सुधार अघि बढाउनुपर्ने उनले बताएका हुन् ।
महासंघ अध्यक्ष ढकालले नेपाल आर्थिक पत्रकार समाज (सेजन)को नवनिर्वाचित कार्यसमितिसँगको भेटमा आर्थिक सुधारका लागि उच्चस्तरीय आयोग वा संयन्त्र निर्माण गरी सहकार्य गर्ने अवधारणा आफूले अगाडि सारेको बताए । अबको सुधारका लागि निजी क्षेत्रसहित सबै सरोकारवालाको सामूहिक प्रयास आवश्यक भएको अध्यक्ष ढकालले जानकारी गराए ।
महासंघका वरिष्ठ उपाध्यक्ष अन्जन श्रेष्ठले देशभर नै उद्यमी–व्यवसायी मन्दीका कारण प्रभावित भइरहेको हुँदा सबै क्षेत्रको विशेष पहल आवश्यक रहेको वताए । महासंघ सचिवालयमा भएको उक्त भेटमा आर्थिक सुधारका लागि सहकार्य गर्ने विषयमा छलफल भएको थियो ।
