मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० फाल्गुण १४ सोमबार
  • Monday, 26 February, 2024
गगन अयडी काठमाडौं
२०८० भदौ १७ आइतबार ११:५६:००
Read Time : < 1 मिनेट
समाचार डिजिटल संस्करण

बाजुरामा चट्याङ लागेर बालिकाको मृत्यु

Read Time : < 1 मिनेट
गगन अयडी, काठमाडौं
२०८० भदौ १७ आइतबार ११:५६:००

शनिबार राति बाजुरा जिल्ला बडिमालिका नगरपालिका– ६ कार्धमा चट्याङ लागेर एक बालिकाको मृत्यु भएको छ। चट्याङ लाग्दा तीन पशुचौपाया मरेका छन्। 

मृत्यु हुनेमा बडिमालिका नगरपालिका– ६ कोर्धका स्थानीय तुला रावलकी ११ वर्षीया छोरी परू रावल रहेको वडा नम्बर ६ का कार्यवाहक अध्यक्ष परे बडुवालले जानकारी दिए। 

उनका अनुसार शनिबार राति साढे १२ बजेको समयमा चट्याङ लागेर बालिकाको मृत्यु भएको थियो। बालिकासँगै ती पशुचौपायासमेत मरेका छन्। मृतक बुबासहित तीनजना  मागथला नाम गरेको लेखमा खरक हालेर बस्दै आएका थिए।

घरबाट लेखमा करिब १ घन्टाको बाटो हिँडेर पुगिन्छ। चट्याङका कारण बालिकासँगै अन्य दुईजना बेहोस अवस्थामा आफन्तले फेला पारेका थिए। अहिले दुईजनाको होस खुलेको कार्यवाहक अध्यक्ष बडुवालले बताए। प्रहरीको टोली घटनास्थलतर्फ गएको जिल्ला प्रहरी कार्यालय बाजुराका प्रहरी प्रमुख डिएसपी कवीन्द्र बोहराले बताए।