- वि.सं २o८o श्रावण २६ शुक्रबार
लक्ष्मी सनराइज बैंक लिमिटेडबाट प्रवर्द्धन गरिएको तथा सनराइज क्यापिटल लिमिटेडले व्यवस्थापन गरेको सनराइज फर्स्ट म्युचुअल फन्डको प्रतिफल घोषणा भएको छ ।
सनराइज म्युचुअल फन्डअन्तर्गत सञ्चालित योजनाले आर्थिक वर्ष ०७९/८० का लागि फन्डका इकाइधनीलाई करसहित १६ प्रतिशत प्रतिफल दिने भएको हो । इकाइधनीलाई कुल १३ करोड ७६ लाख रुपैयाँ प्रतिफल वितरण गर्न लागेको कम्पनीले जनाएको छ । विगत तीन वर्षमा सनराइज फर्स्ट म्युचुअल फन्ड योजनाले ६९ प्रतिशत लाभांश वितरण गर्न सफल भएको जनाइएको छ ।
सेयरधनीलाई ३० प्रतिशत लाभांश दिने
लक्ष्मी सनराइज बैंक लिमिटेडको पूर्ण स्वामित्वमा सञ्चालित सहायक कम्पनी सनराइज क्यापिटलले सेयरधनीलाई करसहित ३० प्रतिशत लाभांश वितरण गर्ने निर्णय गरेको छ । साधारणसभाले निर्णय गरेको लाभांश साधारणसभावाट पारित भएपछि वितरण गरिनेछ ।
