- वि.सं २o८१ बैशाख २२ शनिबार
अत्यधिक गर्मी बढेपछि खेलामा नुहाउन गएका एक बालकको डुबेर ज्यान गएको छ । मृत्यु हुनेमा मध्यविन्दु १० टाँडीका विमलसिंह खान्गाका १३ वर्षीय छोरा महेश छन् ।
जिल्ला प्रहरी कार्यालय नवलपुरका प्रहरी उपरीक्षक भुवनेश्वर तिवारीका अनुसार आज अपराह्न मध्यविन्दु नगरपालिका १० अरुण खोलाको पुलमुनि पौडी खेल्ने क्रममा डुबेर बालकको ज्यान गएको हो ।
अपराह्न पाँच बजेतिर पौडी खेल्ने क्रममा डुबेर बेपत्ता भएका बालकलाई १० मिनेटभित्र स्थानीय र प्रहरीले उद्धार गरेर मध्यविन्दु जिल्ला अस्पताल पुर्याएका थिए । साँझ ६ बजेतिर उनको मृत्यु भएको अस्पतालले जनाएको छ ।
