- वि.सं २o८o जेठ २९ सोमबार
टर्कीको लिंगमेरी सेनाले ऐतिहासिक कलाकृतिहरूको अवैध व्यापारलाई रोक्नको लागि गरेको कारबाहीमा हिब्रु बाइबलको पुरानो प्रति बरामद गरेको छ ।
इस्तानबुल प्रान्तीय कमान्डद्वारा सोमबार जारी गरिएको विज्ञप्तिअनुसार ११०० वर्ष पुरानो उक्त बाइबल बरामद गरिएको हो । पाँच लाख अमेरिकी डलरमा उक्त ऐतिहासिक ग्रन्थको किनबेच हुन लागेको सूचनाका आधारमा खोजी गर्दा चारजना संदिग्ध व्यक्तिहरू कारबाहीमा परेका छन् ।
उक्त बरामद हिब्रु बाइबल थप अनुसन्धानका लागि टर्कीको पाण्डुलिपि संस्थानमा पठाइएको छ । छापा मार्ने क्रममा सेनाले रोमन र बाइजान्टिन कालका १०१ वर्ष पुराना सिक्का पनि बरामद गरेको छ । ती वस्तु इस्तानबुल पुरातत्व संग्रहालयमा पठाइएको छ । रासस
