- वि.सं २o८१ बैशाख २० बिहीबार
नेपाली चलचित्रको प्रवर्द्धन र विकासमा टेवा पुगोस् भन्ने उद्देश्यले ओएसआर डिजिटल र डिसहोमबीच सहकार्यका लागि सम्झौता भएको छ।
सम्झौताअनुसार ओएसआर डिजिटलसँग अधिकार भएका विभिन्न नयाँ नेपाली चलचित्रको प्रमोसन र प्रसारण अधिकार डिसहोमले लिएको छ। डिसहोमका ग्राहकले अब ओएसआर डिजिटलका विभिन्न सामग्री डिसहोमको ‘पे पर भ्यु’ र ‘एक्सक्ल्युसिब च्यानलहरू’मा हेर्न पाउनेछन्।
यसबाट ग्राहकले नयाँ चलचित्र र विभिन्न विशेष सामग्रीको मज्जा लिन सक्नेछन्। सम्झौताले नेपाली चलचित्रको विकास र प्रवर्द्धनमा पनि सहयोग पुग्ने कम्पनीले विश्वास लिएको छ।
