देशको बेरुजु झन्डै ६ खर्ब पुगेको छ। महालेखापरीक्षकको कार्यालयले राष्ट्रपति रामचन्द्र पौडेललाई बुझाएको ६०औँ वार्षिक प्रतिवेदनअनुसार आर्थिक वर्ष ०७८/७९ सम्ममा देशको कुल अद्यावधिक बेरुजु पाँच खर्ब ८७ अर्ब ३३ करोड ९४ लाख रुपैयाँ पुगेको हो।

सरकारीस्तरबाट भएका अपारदर्शी खर्चलाई बेरुजु मानिन्छ। कारबाही गरी टुंगाे लगाउनुपर्नेसहितको अद्यावधिक रकम भने नाै खर्ब ५९ अर्ब ७९ करोड सात लाख पुगेको छ।

अघिल्लो वर्षको तुलनामा बेरुजु २१.४५ प्रतिशतले वृद्धि भएको छ। आव ०७७/७८ मा चार खर्ब ८३अर्ब ५९ करोड बेरुजु थियो। गत वर्ष मात्र एक खर्ब १९ अर्ब ७७ करोड बेरुजु थपिएको छ।