- वि.सं २o७९ चैत ३० बिहीबार
मकर जितुमाया सुरी हाइड्रोपावर लिमिटेडकोे सर्वसाधारणमा निष्कासित प्राथमिक सेयर (आइपिओ) बाँडफाँट सम्पन्न भएको छ । कम्पनीको धितोपत्र निष्कासन तथा बिक्री प्रबन्धक प्रभु क्यापिटल लिमिटेडले उक्त सेयर बाँडफाँट गरेको हो ।
प्रभु क्यापिटल निष्कासन तथा बिक्री प्रबन्धक भई चैत १९ देखि २२ गतेसम्म सार्वजनिक रूपमा निष्कासन खुला गरिएको सर्वसाधारणका लागि निष्कासित १३ लाख ३७ हजार तीन सय दुई कित्ता सेयरका लागि मागभन्दा अधिक सेयरका लागि आवेदन प्राप्त भएको जनाइएको छ ।
उक्त बाँडफाँटमा रीतपूर्वक प्राप्त भएका १२ लाख ८१ हजार चार सय दुईजना रीतपूर्वक प्राप्त भएका आवेदनहरूमध्ये एक लाख ३३ हजार सात सय ३० जनालाई १० कित्ताका दरले र दुईजनालाई थप एक कित्ता सेयर बाँडफाँट गरिएको क्यापिटलले जनाएको छ ।
हाल मकर जितुमाया सुरी हाइड्रोपावर लिमिटेडले प्रवद्र्धन गरेको सुरी खोला जलविद्युत् आयोजनाको ६.४ मेगावाट क्षमताको विद्युत् मिति वैशाख २८ देखि व्यावसायिक उत्पादन गरी राष्ट्रिय प्रसारण लाइनमा जडान गरी बिक्री गरिरहेको तथा माथिल्लो सुरी खोला जलविद्युत् आयोजनाको ७ मेगावाट क्षमताको भौतिक प्रगति ८५ प्रतिशत रहेको जनाइएको छ ।
