मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० असोज ७ आइतबार
  • Sunday, 24 September, 2023
२०७९ चैत २४ शुक्रबार १२:१०:००
Read Time : < 1 मिनेट
समाचार डिजिटल संस्करण

घरमा आगलागी हुँदा गुल्मीमा एक वृद्धको ज्यान गयो

Read Time : < 1 मिनेट
२०७९ चैत २४ शुक्रबार १२:१०:००

गुल्मीको मदानेमा बिहीबार राति एक घरमा आगलागी हुँदा एक वृद्धको जलेर ज्यान गएको छ । घरमा आगो लागेपछि मदाने गाउँपालिका– ६ पुर्कोट देउरालीका ८३ वर्षका ज्ञानबहादुर जिसीको ज्यान गएको जिल्ला प्रहरी कार्यालय गुल्मीका प्रहरी निरीक्षक निरञ्जन घिमिरेले बताए ।

राति करिब १० बजे एक्कासि घरमा आगो लागेपछि कच्ची घर जलेर पूर्ण रूपमा नष्ट भएको छ । मृतक जिसी घरमा एक्लै बस्दै आएकाे प्रहरी निरीक्षक घिमिरेले बताए । घटनाबारे थप अनुसन्धान भइरहेको जिल्ला प्रहरी कार्यालयले जनाएको छ ।

बिहीबार राति नै छत्रकोट– ३ हर्दिनेटामा पनि आगलागीबाट डोलराज भण्डारीको घर र गोठ जलेर पूर्ण रूपमा नष्ट भएको छ। उनको गोठमा भएका दुईवटा ब्याउने भैँसी घाइते भएका छन्।