Skip This
नयाँ वर्ष २०८० को अवसर पारेर लोकदोहोरी गायक खड्क गर्बुजाले ठाडो भाका ‘लाउरे’ ल्याउने भएका छन्।
लोकदोहोरी क्षेत्रमा कालीगण्डकीको सालैज्यू भाकालाई अन्तर्राष्ट्रिय बजारमा पुर्याउने जस पाएका गर्बुजालाई गायनमा तारा श्रीसमगरले साथ दिएकी छिन्। शारीरिक अपांगताका बाबजुद दर्शकलाई आफ्नो स्वरले मुग्ध बनाउने क्षमता राख्ने गायक गर्बुजाले ‘लाउरे’मा अभिनयसमेत गरेका छन्। उनीसँगै राहुल केसी र केकी अधिकारीले पनि अभिनय गरेका छन्।
गर्बुजा सालैजो, सोरठी, यानीमाया (ठाडो भाका), कौरा, झ्याउरे, ख्यालीजस्ता लोकगीतलाई पुनर्जीवन दिएर युवा जमातमा लोकप्रिय बनाउने अग्रणी लोकगायक मानिन्छन्। राजु केसी र रक्षा बानियाँ केसीले गायक तथा संकलक गर्बुजाका पुराना गीतहरूलाई भिडियोमार्फत दर्शकमाझ ल्याउन खोजेका हुन्।
