- वि.सं २o८१ बैशाख २५ मंगलबार
राष्ट्रपति रामचन्द्र पौडेलले विभिन्न मुलुकका अवैतनिक महावाणिज्य र वाणिज्यदूतहरूसँग राष्ट्रिय हितलाई ध्यानमा राखेर काम गर्न आग्रह गरेका छन्।
आज बिहान राष्ट्रपति पौडेलसँग भेटका लागि शीतलनिवास आएका विभिन्न मुलुकका अवैतनिक महावाणिज्य र वाणिज्यदूतलाई उनले दुई देशबीचको सम्बन्ध सुदृढ गर्दै राष्ट्रिय हितलाई केन्द्रमा राखी काम गर्नुपर्नेमा जोड दिएका हुन्।
वाणिज्यदूतका तर्फबाट दिनेश श्रेष्ठले आर्थिक, सामाजिक, सांस्कृतिक सम्बन्ध सुदृढ गर्दै पर्यटन प्रवर्द्धनमा समेत आफूहरूले प्रभावकारी ढंगले काम गर्दै आएको बताए।
उनीहरूले राष्ट्रपति पदमा निर्वाचित भएकोमा राष्ट्रपति रामचन्द्र पौडेललाई हार्दिक बधाई साथै सफल कार्यकालको शुभकामना दिए।
